You are here:  > 

Gallery 1

October 2007

Oriel 1

Posted by Chris Owen on 4 October 2007

Cyfarchion o Oriel 1!

Yr wythnos hon fe ges i gyfle i arbrofi gyda sesiwn i blant ysgolion cynradd r'yn ni wedi ei galw'n 'gemau dyfalu'. Dwi ddim yn siwr os yw hyn yn beth da neu'n beth drwg ond roedd yr Oriel fel syrcas am yr awr a finne ar fy nglinie am weddill y diwrnod! Bydd rhaid cael stamina gwell na hyn o rywle! Roedd ymateb y plant yn ddiddorol a'u gallu i gyffroi dros gynnwys yr Oriel yn wych!

Mae llawer o ymwelwyr wedi dangos brwdrydedd dros gynnwys yr Oriel newydd a gyda'r sylwadau cliriaf i aros yn fy nghof yw gwraig ganol oed yn dweud wrtha i, "This really is wonderful, but mind you, the old gallery was like a museum". Dwi ddim yn siwr os mai mynegi siom oedd hi neu beidio, efallai nad oedd hi'n gwybod yn iawn. Fodd bynnag mae'n sicr yn yr achos hwn, nad oedd cynnwys yr Oriel yn cydymffurfio i'r hyn yr oedd yr ymwelydd yn disgwyl ei weld yn yr amgueddfa. Gellir dadlau mai dyma enghraifft glir o'r Oriel yn deffro'r ymwelydd i'w amgylchedd gan ei atgoffa mai nid ymweld a'r amgueddfa er mwyn cael golwg ar y gorffennol a wna.

Dyma un sylwad a nodwyd ar gerdyn sylwadau am arddangosfa gyntaf yr Oriel, 'Perthyn', 'Hmmm, not sure what this is all about - Belonging - where?' A dddylai cynnwys yr Oriel gynnig atebion? Dyma sylwad arall sy'n treiddio i'r cwestiynau sylfaenol ynglyn a beth yw oriel ac amgueddfa.

Dewch draw i rhoi eich barn, neu rhowch sylwad yma os ydych chi wedi ymweld! Rwy ar ruthur braidd yn anffodus...ond wedi cael blas ar y blogio 'ma tro 'ma...felly mi fydda i nol ma arna i ofn!

September 2007

Oriel 1

Posted by Anna Gruffudd on 6 September 2007

Wel dyma fi eto, mis yn ddiweddarach er mawr cywilydd, a finne wedi addo straeon am fywyd a chymeriadau Oriel 1.Rwy' wedi bod ar y galifant dros yr haf ar wyliau yn bwyta lot gormod o hufen ia.

Mae'r Oriel wedi bod yn llawn dros yr haf a phob math o bethau wedi digwydd! Penwythnos diwethaf roedd Pwyllgor Puja Cymru yn dathlu eu cysylltiadau a'r Oriel a chafwyd sioe ffasiwn, sgyrsiau a cherddoriaeth o India yn treiddio drwy'r Oriel.

Ar hyn o bryd mae'r ardal arddangosfeydd arbennig braidd yn llwm yr olwg, gwagleoedd ac olion papur wal gwaith yr artist Marc Rees yn dameidie ar y wal. Wir, roedd gweld ei waith a gwaith yr artistiaid Peter Finnemore, a Bedwyr Williams yn dod i lawr yn dristwch mawr! Rwy' wedi gweld eu gweithiau'n sbarduno cymaint o ymwelwyr i chwerthin, sgwrsio a chanu (!)yn yr Oriel.

Beth bynnag, mae'n amser cyffrous, mae'r waliau gwag yn aros i'w llenwi gan waith Mary Lloyd Jones. Bydd ei gwaith yn cyrraedd ddydd Llun ac ar y 4ydd o Hydref fe fydd lansiad y gwaith ac fe fydd hi'n rhoi sgwrs yn yr Oriel. Bydd gweithdai celf wedi seilio ar ei gwaith gyda'r cert celf yn ystod Hydref hefyd! Roedd y cert celf yn lwyddiant yn yr Oriel yn ystod mis Awst. Yn ogystal ag ysbrydoli'r plant yn yr Oriel bu Tracey Williams, un o'r artistiad a oedd yn gweithio gyda'r cert yn gyfrifol am fy ysbrydoli i wario ffortiwn ar baent acrylic i gael potsian fy hun!

Ar hyn o bryd rwy'n gweithio ar sesiwn i blant ysgol 5,6 oed i ddefnyddio'r Oriel.Rwy'n meddwl gwneud rhywfath o helfa drysor a chyflwyno'r holl beth drwy ddweud fod Anifeiliad yn byw yn yr Oriel ac eu bod nhw'n frindiau arbennig. Ond weithiau fy mod i'n drist iawn oherwydd fod fy ffrindiau i'n cuddio a weithiau mod i'n methu dod o hyd iddyn nhw. (Mae bob math o ddreigiau/cwn/ceffylau yng nghudd yn y gwrthrychau). Dim ond syniad! Rwy hefyd wedi bod yn gweithio ar sioe luniau i blant am begs dillad!!..Ym ie, cawn weld am hwnna!

  • National Museum Cardiff

    National Museum Cardiff

    Discover art, natural history and geology. With a busy programme of exhibitions and events, we have something to amaze everyone, whatever your interest – and admission is free!

  • St Fagans National History Museum

    St Fagans

    St Fagans is one of Europe's foremost open-air museums and Wales's most popular heritage attraction.

  • Big Pit National Coal Museum

    Big Pit

    Big Pit is a real coal mine and one of Britain's leading mining museums. With facilities to educate and entertain all ages, Big Pit is an exciting and informative day out.

  • National Wool Museum

    National Wool Museum

    Located in the historic former Cambrian Mills, the Museum is a special place with a spellbinding story to tell.

  • National Roman Legion Museum

    National Roman Legion Museum

    In AD 75, the Romans built a fortress at Caerleon that would guard the region for over 200 years. Today at the National Roman Legion Museum you can learn what made the Romans a formidable force and how life wouldn't be the same without them.

  • National Slate Museum

    National Slate Museum

    The National Slate Museum offers a day full of enjoyment and education in a dramatically beautiful landscape on the shores of Llyn Padarn.

  • National Waterfront Museum

    National Waterfront Museum

    The National Waterfront Museum at Swansea tells the story of industry and innovation in Wales, now and over the last 300 years.

  • Rhagor: Explore our collections

    Rhagor (Welsh for ‘more’) offers unprecedented access to the amazing stories that lie behind our collections.