A family of world-class national museums
Byddwn ni'n datblygu ein teulu o amgueddfeydd cenedlaethol o safon ryngwladol er mwyn ysbrydoli dysgu a chysylltu pobl â'r gorffennol, y presennol a'r dyfodol.
Ar ôl buddsoddi dros £40m yn Amgueddfa Lechi Cymru, Llanberis, Big Pit: Amgueddfa Lofaol Cymru, Blaenafon, Amgueddfa Wlân Cymru, Dre-fach Felindre, ac Amgueddfa Genedlaethol newydd sbon ar y Glannau yn Abertawe o dan ein Strategaeth Ddiwydiannol, ein bwriad nawr yw canolbwyntio ar Amgueddfa Genedlaethol Caerdydd a Sain Ffagan: Amgueddfa Werin Cymru. Byddwn ni'n gwrando ar yr adborth a gasglwyd trwy'r ymgynghoriad cyhoeddus cychwynnol a wnaed ar y Weledigaeth yng ngwanwyn 2005 yn hyn o beth.
Ein bwriad yw cyflawni'r mentrau strategol hyn:
- Parhau ag ailddatblygiad ffisegol Sain Ffagan fel rhan o’r project Creu Hanes (bl. 1 – bl. 3).
- Parhau i ddatblygu cysyniad Amgueddfa Genedlaethol Hanes Natur yn Amgueddfa Genedlaethol Caerdydd (bl. 1 – bl. 3).
- Yn unol â’r uwchgynllun ar gyfer llawr gwaelod Amgueddfa Genedlaethol Caerdydd, symud elfennau o’r casgliadau Archaeoleg a Niwmismateg i Sain Ffagan: Amgueddfa Werin Cymru (bl. 1).
- Llunio cynlluniau project ar gyfer ailddatblygu Amgueddfa Lleng Rufeinig Cymru gan gynnwys strategaeth ariannu a phartneriaethau strategol (bl. 1).
- Datblygu cynlluniau ar gyfer y Felin a Thŷ Pen Pownd yn Amgueddfa Wlân Cymru (bl. 1).
- Datblygu Cynlluniau Cadwraeth ar gyfer ein Hadeiladau Rhestredig (bl. 1 – bl. 2).
- Ailadeiladu tafarn y Vulcan a Gorsaf Heddlu Ffynnon Taf yn Sain Ffagan (bl.1 – bl. 3).
